Gjatë kësaj të diele, Presidenti ukrainas, Volodymyr Zelensky dha një intervistë për “CNN” ku theksoi se është plotësisht i gatshëm që të ulet dhe të negociojë me homologun e tij rus, Vladimir Putin. Lideri rus i mëshon shumë këtyre negociatave pasi, si ç’tha dhe ai vetë, nëse përpjekjet për bisedime mes palëve nuk funksionojnë, kjo mund të shkaktojë një luftë edhe më të gjerë, duke nënkuptuar “një Luftë të Tretë Botërore”.
“Jam gati për negociata me të. Isha gati për dy vitet e fundit. Dhe mendoj se pa negociata, ne nuk mund t’i japim fund kësaj lufte,” deklaroi Zelensky.
“Nëse ka vetëm 1% mundësi që ne ta ndalojmë këtë luftë, mendoj se duhet ta shfrytëzojmë këtë shans…Unë mund t’ju them për rezultatin e këtyre negociatave, në çdo rast, ne po humbasim njerëz çdo ditë, njerëz të pafajshëm në terren.”
Presidenti ukrainas vijoi më tej duke shtuar se forcat ruse kanë synim që të shfarosin vendin që ai drejton por theksoi se Ukraina do të tregojë që është në gjendje t’i japë një goditje të fuqishme.
“Por, për fat të keq, dinjiteti ynë nuk do të ruajë jetë. Pra, unë mendoj se ne duhet të përdorim çdo format, çdo shans për të pasur një mundësi për të negociuar, mundësinë për të biseduar me Putinin. Por nëse këto përpjekje dështojnë, kjo do të thotë se kjo është një luftë e tretë botërore”.