Situata në Ukrainë përveç të tjerash ka krijuar edhe fenomenin e refugjatëve që ikin nga lufta. Ata janë në kërkim të një strehe të sigurtë për kohën që lufta është ende aktive. Pjesa më e madhe e tyre gjendet në Poloni. Ju ftoj që të hapim zemrat dhe shtëpitë tona nëse dikush do të vijë në Shqipëri. Bujaria nuk na ka munguar kurrë edhe pse jemi të varfër. Prandaj nëse dikush në Dioqezën tonë mendon se mund t’i japë strehë një familjeje ukrainase e ikur nga lufta, të lajmërohet në Dioqezë. Nuk bëhet fjalë për luks, por për të ndarë sëbashku me ata që kanë nevojë çka kemi. Të gjithë së bashku mund të bëjmë diçka, sadopak për ta. Caritas Rrëshen është në gatishmëri me mundësitë që kemi. Na kontaktoni! Të djelë të bukur e lutuni për paqen!
Dom Gjergj Meta