Vijojnë sulmet e Rusisë ndaj Ukrainës ku sot kemi hyrë në ditën e 26-të të saj. Deri më sot, konflikti në Ukrainë ka shkaktuar qindra viktima dhe të plagosur.
Këtë të hënë, Kremlini ka deklaruar se nuk ka asnjë përparim të madh në bisedimet për paqe në mes të Rusisë dhe Ukrainës.
Sipas asaj që njoftojnë mediat e huaja, zëdhënësi i Kremlinit, Dmitry Peskov, u shpreh se duhet arritur përparim i madh në bisedime, para se të jetë i mundshëm takimi i presidentit rus, Vladimir Putin me homologun e tij ukrainas, Volodymyr Zelensky.
Pushtimi i Ukrainës ndaj Ukrainës nga Rusia nisi më 24 shkurt, mirëpo forcat ukrainase kanë bërë rezistencë të madhe dhe Perëndimi ka vendosur sanksione të ashpra ndaj Rusisë, me qëllim të largimit të forcave ruse nga territori ukrainas.