Plot 1 miliardë euro është shifra e përditësuar së fundmi që Bashkimi Evropian do të akordojë si ndihmë financiare për Ukrainën. Mësohet se këto para do të shkojnë për blerjen e armëve nga shteti ukrainas për të përballuar luftën.
Ministrja gjermane e Punëve të Jashtme, Annalena Baerbock konfirmoi lajmin në fjalë teksa mbërrinte në Këshillin e Çështjeve të Jashtme në Bruksel.
“Sot ne po vendosim politikisht t’i ofrojmë mbështetje të mëtejshme financiare ushtarake Kievit për të rritur kapacitetin e tij financiar për prokurimin e mjeteve ushtarake në një miliard euro”, tha Baerbock ndërsa theksoi se solidariteti për Ukrainën dhe për të mbrojtur civilët do të vijojë.