Së fundmi është përfolur goxha për gjendjen shëndetësore të presidentit turk, Rexhep Tajip Erdogan. Hamendësimet nisën fill pas një videoje të re që tregon se ai ka vështirësi në të folur.
Gjatë fjalës së tij e cila tregohet në videon në videon në fjalë, presidenti turk u shfaq i ngjirur dhe kjo ishte ajo që “ndezi” skenarët për gjendjen e tij shëndetësore.
Megjithatë, ai është kujdesur të sqarojë se zëri i tij është i ngjirur pasi është ftohur gjatë inaugurimit të urës së re në Dardane, teksa temperaturat ishin të ulëta atë ditë.
Pavarësisht aludimeve të ditëve të fundit për gjendjen e tij shëndetësore, presidenca turke këmbëngul se Erdogan është i shëndetshëm.