Një banore e Mariupolit equajtur Victoria, 27 vjeç, e cila arriti të largohej nga ky qytet, dha një intervistë për “5 Live Breakfast” ku tregoi se si e la familjen e saj e më pas ndërsa u zhvendos në një fshat rreth 20 km larg qytetit.
“Qyteti im është shkatërruar absolutisht,” u shpreh ajo, me një zë që i dridhej teksa përshkruante zhurmat e përditshme të sulmeve ruse. “Njerëzit po qëndrojnë në bodrum, por nuk janë të sigurt. Ata po lëshojnë bomba gjatë gjithë kohës kështu që bodrumet po shkatërrohen.”
Victoria thotë se shumë banorë në Mariupol nuk kanë ushqim apo ujë.
“Tre fëmijë që njoh vdiqën nga dehidratimi. Është shekulli 21 dhe fëmijët po vdesin nga dehidratimi. Dhe një pjesë tjetër po vdesin nga uria”
Më pas, Victoria vijon duke shtuar se ajo nuk ishte në gjendje të ndihmonte anëtarët e tjerë të familjes të largoheshin nga Mariupol.
“Unë do të qëndroj në Ukrainë dhe do të përpiqem të shpëtoj familjen time në Mariupol. Mariupol është e gjithë jeta ime, nuk e kuptoj pse duhet ta lë qytetin tim, vendin tim për shkak të Rusisë,” deklaroi Victoria.