Një lajm i bërë publik nga parlamenti i Ukrainës bën me dije se disa vatra zjarri janë shfaqur pranë centralit bërthamor të Çernobil. Sipas burimeve zyrtare ukrainase, zjarret mund të jenë shkaktuar nga bombardimet dhe tashmë po vijojnë të përhapen në një zonë të kontrolluar nga forcat ruse.
Megjithatë, për Shërbimin Shtetëror të Komunikimeve Speciale të Ukrainës kjo “po ngre shqetësime se tymi i ndotur nga rrezatimi mund të përhapet.” Çernobili ka qenë në duart e Rusisë që nga ditët e para të pushtimit të Ukrainës ndërsa stafi ukrainas në central ka bërë të ditur se kushtet janë të tmerrshme.