Sipas “la repubblica”, kryeministri italian, Mario Draghi ka deklaruar në një fjalim të mbajtur sot para Këshillit Evropian se “Italia po përpiqet t’i japë fund armiqësive.”
Ai shtoi po ashtu se po përpiqej të siguronte krijimin e korridoreve humanitare.
“Vullneti ynë për paqe po kundërshtohet nga presidenti rus Putin, i cili nuk ka treguar interes për arritjen e një armëpushimi. Plani i tij është të fitojë terren në Ukrainë,” theksoi kryeministri.
Më tej, Draghi tha gjithashtu se nesër, në samitin e NATO-s dhe G7 në Bruksel dhe Këshillit të BE-së, komuniteti euroatlantik synon të riafirmojë unitetin dhe vendosmërinë e tij në mbështetje të Ukrainës.