Mesa bën me dije një burim nga Bashkimi Europian, shtetet anëtare kanë nisur diskutimet për përjashtimin e Rusisë nga G20-ta. Ndërsa lufta vazhdon, nga ana tjetër janë në proces bisedimet nisur bisedimet rreth statusit të Rusisë në mbledhjet e G20-ës, shkruan “Reuters”.
“I është bërë shumë e qartë Indonezisë se prania e Rusisë në takimet e ardhshme ministrore do të ishte shumë problematike për vendet evropiane,” u shpreh burimi.
Lajmi vjen në një kohë kur Kina e cila është në mbështetje të Rusisë, tha se “asnjë anëtar nuk ka të drejtë të largojë një vend tjetër” nga G20. Kjo deklaratë u dha nga zëdhënësi i Ministrisë së Jashtme kineze, Wang Wenbin.
“G20 duhet të zbatojë multilateralizëm të vërtetë, të forcojë unitetin dhe bashkëpunimin” , theksoi ai.