Policia e Tiranës me anë të një njoftimi bën me dije se është gjetur një burrë i vdekur në hotel, dyshohet se shkak është bërë një arrest kardiak.
Njoftimi i policisë
Më datë 24.03.2022, në një hotel në rrugën “Frosina Plaku”, nga vëllai i tij, është gjetur në dhomë, pa shenja jete, shtetasi Sh. A., 65 vjeç.
Nga këqyrja paraprake dyshohet se vdekja ka ardhur si pasojë e një arresti kardiak.
Grupi hetimor ndodhet në vendngjarje dhe po punon për sqarimin e rrethanave të ngjarjes.