Andi Lila është shumë i trishtuar për largimin nga grumbullimi i ekipit Kombëtar. Mbrojtësi që aktivizohet me PAS Janinën rezultoi me dëmtime në gju pas kontrollit që i bëri stafi mjekësor i Kombëtares.
Gjithsesi, ai shpreson te suksesi i ekipit kuqezi. “Jam shumë i mërzitur. Është hera e parë që një dëmtim më largon nga grumbullimi i Kombëtares, Bëra një rezonancë dhe rezultoi që kisha një dëmtim në menisk.
Nga nesër do të nis terapitë dhe më pas doktori i skuadrës do të vendosë se kur do të rikthehem në fushë. Në ndeshjet e para kemi pasur gjithmonë sukese vitet e fundit. Si me Portugalinë apo me Izraelin për Ligën e Kombëve. Shpresoj që kjo traditë të vazhdojë. Ekipi ka cilësi dhe shpresojë që të gëzojmë gjithjë shqiptarët”.