Gjatë një interviste të dhënë për një media serbe, Ministri i Jashtëm rus, Sergei Lvarov u shpreh se nuk do të ngjallte asnjë produktivitet apo zhvillim pozitiv nëse zhvillohej një takim midis presidentit rus Vladimir Putin dhe homologut të tij ukrainas Volodymyr Zelensky në këtë periudhë.
Sipas asaj që shkruan “BBC”, Lavrov deklaroi mes të tjerash se çdo lloj takimi midis dy liderëve do të ndodhë pasi të dy palët të jenë më afër marrëveshjes për çështjet kryesore.
Po ashtu, kryediplomati rus theksoi se do të dëshironte shumë që bisedimet midis Ukrainës dhe Rusisë në Turqi të nxjerrin rezultate pozitive.