Ditën e sotme, Struktura e Posaçme Anti Korrupsion ka lëshuar 13 urdhër arresti në kuadër të hetimeve për aferën korruptive të Inceneratorëve. Kështu, mësohet se një nga urdhër arrestet është prerë për Ariola Kodra, e cila është Administratore e Inceneratorit “Integrated Energy BV SPV”.
Ariola Kodra, Administratore e Inceneratorit të Tiranës, edhe pse në fakt, u thirr disa herë në Komisionin Hetimor, nuk është paraqitur në disa seanca. Pavarësisht se u paralajmërua nga kryetarja e Komisionit Hetimor, Jorida Tabaku se ajo do sillej forcërisht në Komision, sërish zonja Kodra nuk u paraqit në të.
Akoma nuk dihet nëse policia ka ekzekutuar urdhër arrestin dhe nëse i janë vënë prangat Administratores së Inceneratorit të Tiranës.
Një nga urdhër-arrestet e lëshuar është për Florian Muçën, ish-administrator i kompanisë dhe aktualisht drejtor në kompaninë Albpetrol.
Deri tani, numri i urdhër arresteve mësohet se është 13 në total. SPAK po nis të veprojë pas hetimeve intesnive si dhe pas gjetjeve të reja në Komisionin Hetimor që zgjati për disa muaj.
Deri më tani pas hekurave i akuzuar për përvetësimin e 3.7 milionë eurove ish-ministri i Mjedisit Lefter Koka. Kujtojmë se në kërkim për këtë çështje janë shpallur Mirel Mërtiri, Stela Gugallja si dhe Klodjan Zoto.