Sipas prestigjozes italiane “la repubblica”, përfaqësuesit e Ukrainës dhe Rusisë u takuan sot në Stamboll për të zhvilluar raundin e radhës të bisedimeve për gjetjen e një rruge të përbashkët për vendosjen e paqes.
Burime të afërta me negociatorët bëjnë me dije se tashmë ka përfunduar takimi mes krerëve të Moskës dhe Kievit, ku nga këta t fundit ishin përkatësisht ministri i Mbrojtjes, Oleksii Reznikov, dhe Mikhail Podolyak, këshilltari presidencial.
Takimi kokë më kokë ndërmjet delegacionit ukrainas dhe rus u zhvillua në prani të presidentit të Turqisë, Recep Tayyip Erdogan. Gjithashtu sipas burimeve, negociatori rus Vladimir Medinsky pritet të japë një deklaratë pas disa orësh.