Sipas Ministrisë së Mbrojtjes ruse, një pjesë e mirë e ushtrisë do të zhvendoset nga rajonet veriore të Ukrainës.
Agjencia shtetërore ruse “Ria” bën me dije se ministria do të minimizojë operacionet ushtarake në këto rajone, ndërsa pritet që fokusi i Moskës zyrtare përqëndrohet në lindje, kryesisht në rajonin e Donbasit.
Më herët, autoritetet ruse u shprehën se kanë përfunduar fazën e parë të operacionit ushtarak në Ukrainë dhe tashmë janë duke vijuar me fazën tjetër.
Vlen të theksohet fakti se Rusia ka pësuar humbje të mëdha gjatë luftës në Ukrainë, ku numërohen më shumë se 10 000 ushtarë të vrarë dhe qindra tanke e blinda të shkatërruar.