“Ne jemi duke u përgatitur për një ofensivë të re ruse në Ukrainën lindore”, kjo ishte ajo çka tha Presidenti i Ukrainës, Volodymyr Zelenskyy në një deklaratë të dhënë vonë të enjten.
“Ka një grumbullim të trupave ruse për sulme të reja në Donbas dhe ne po përgatitemi për këtë,” dëgjohet të theksojë Zelensky në deklaratën e tij.
Presidenti ukrainas la gjithashtu të kuptohej se ishte skeptik ndaj deklaratës së Rusisë në negociatat për të zvogëluar operacionet ushtarake rreth kryeqytetit, Kiev, dhe një tjetër qytet kryesor Chernihiv.
“Ne nuk i besojmë askujt”, u shpreh Zelensky.
Më tej, ai tha se nuk ka asnjë arsye për të besuar njoftimin e Rusisë se do të reduktojë aktivitetin ushtarak pranë këtyre qyteteve, duke pasur parasysh se forcat ruse kishin vazhduar të godasin Kievin dhe Chernihivin me sulme një ditë pas marrjes së këtyre premtimeve.
Bombardimet vdekjeprurëse u raportuan gjithashtu në Irpin, së bashku me sulmet e intensifikuara në rajonin e Donbas.
Ndërkaq, Zelensky rikonfirmoi edhe njëherë tjetër angazhimin e Ukrainës për të mbrojtur territorin e tyre, duke thënë “Ne nuk do të heqim dorë nga asgjë. Dhe ne do të luftojmë për çdo metër të tokës tonë, për çdo person”