Uniformat blu kanë arrestuar 6 persona ndërsa 12 të tjerë janë shoqëruar në polici pas ngjarjes kriminale të ndodhur gjatë pasdites së të martës, në aksin e rrugës Elbasan-Cërrik, në vendin e quajtur “Ura e Zezë” në Papër, ngjarje në të cilën mbeti i plagosur Nuredin Dumani i cili ishte i shumë kërkuar nga autoritetet e vendit.
Ndërkohë, pas vënies në pranga të Dumanit dhe dy bashkëpunëtorëve të tjerë të tij në Fier, mbrëmjen e djeshme u arrestuan po në këtë qytet edhe dy mjekë dhe një infermier që i kishin mjekuar plagët Dumanit në një ambient privat.
Po ashtu, paas ngjarjes e deri në mesnatën e djeshme, policia tha se janë shoqëruar 12 persona të cilët janë duke u marrë në pyetje lidhur me ngjarjen e rēndë në të cilën dyshohet se janë përfshirë disa persona me precedentë kriminalë.