Një aksident i rëndë ka ndodhur në Shijak teksa një 30-vjeçar ka humbur jetën në një fabrikë mermeri ndërkohë që ishte duke punuar me vinç. Mësohet se viktima ishte djali i administratorit të fabrikës në fjalë.
Njoftimi i policisë:
Rreth orës 08:30, në lagjen Kodër Shijak, në ambientet e firmës me administrator shtetasin A. D., është aksidentuar duke punuar me vinç, shtetasi E. D., 30 vjeç (djali i shtetasit A. D.), banues në Shijak, i cili për pasojë ka humbur jetën.
Grupi hetimor ndodhet në vendngjarje dhe po punon për sqarimin e rrethanave të ngjarjes.