Amerikanët do të lejohen të zgjedhin një X për gjininë në aplikimet e tyre për pasaportë duke filluar nga 11 Prilli, tha të enjten Departamenti i Shtetit i SHBA-së, ndërsa administrata e Biden shënoi një “Ditë të Dukshmërisë Transgjinore” mes lëvizjeve të disa shteteve për të synuar personat transgjinorë.
Departamenti i Shtetit në qershor tha se qytetarët amerikanë mund të zgjidhnin gjininë e tyre në aplikimet pa pasur nevojë të paraqesin dokumentacion mjekësor. Në tetor, ajo lëshoi pasaportën e parë amerikane me një shënues gjinor “X”, i krijuar për t’u dhënë njerëzve jobinarë, interseksualë dhe jokonformë gjinor një shënues të ndryshëm nga meshkujt apo femrat në dokumentin e tyre të udhëtimit.
Ndryshimi ishte një nga disa masa të shpallura nga administrata Biden një ditë pasi guvernatorët republikanë të Oklahomas dhe Arizonës nënshkruan projektligjet që ndalonin sportistët transgjinorë nga sportet e shkollave të vajzave.