Dy helikopterë ushtarake ukrainas kanë sulmuar depon e naftës në qytetin rus të Belogord, sipas zyrtarëve rusë.
Gjithashtu, guvernatori rajonal, Vyacheslav Gladkov deklaroi se zjarri në depo u shkaktua nga sulmet ajrore nga dy helikopterë ukrainas, pasi kaluan kufirin duke fluturuar në një lartësi relativisht të ulët.
Menjëherë zjarrfikësit erdhën në vendngjarje dhe filluan të venë situatën nën kontroll ndërsa banorët që ndodheshin aty pranë u evakuuan, tha guvernatori. Shpërthimi i depos në Rusi vjen vetëm 2 ditë pas një tjetër shpërthimi në një ndërtesë magazinimi armësh.
Qyteti i Belgorodit ndodhet në veri të kufirit me Ukrainën. Ndërkohë, kjo e fundit nuk ka marrë përgjegjësinë për asnjë nga shpërthimet e ndodhura.
“Skynews” ka publikuar një video pak pas shpërthimit ku shihen flakët e mëdha që kanë përfshirë depon e naftës në Rusi, duke cituar median ukrainase “NEXTA”. Megjithatë, “Skynews” thekson se video dhe informacionet nuk janë vërtetuat në mënyrë të pavarur.
An oil depot is on fire in #Belgorod, #Russia.
— NEXTA (@nexta_tv) April 1, 2022
“The emergency services went to the place of fire, measures are being taken to eliminate it”, said Gladkov, the governor of the region in his Telegram channel. pic.twitter.com/ey7rC5ChSz