Një ngjarje e rëndë ka ndodhur në Memaliaj, ku një 32 vjeçare me aftësi të kufizuara është përdhunuar nga infermieri i fshatit.
Babai i saj ka folur në një intervistë për ‘Shqipëria Live’ duke treguar se e ka parë edhe ai vetë kur 42-vjeçari, i cili është infermier, ka abuzuar me të bijën, por nuk mund të bëjë asgjë pasi e kërcënon.
Babai: Kam 4 vajza dhe 2 çuna. Dy vajza i kam në Greqi të martuara, një vajzë të sëmurë e kam këtu. Është e sëmurë me të meta mendore. E zënë rrugëve, jo një po shumë herë. E di njërën, e futën në burg njëherë, pastaj e nxorën nga burgu.
Pyetje: Ku e dini ju që e ka përdhunuar?
Babai: E kemi parë. E thotë dhe vajza, bën me shenja. E kam parë dhe vetë, më ka kërcënuar dhe mua tek shtëpia. Do të vras më ka thënë.
Pyetje: Ka ardhur infermieri në shtëpinë tuaj?
Babai: Ka ardhur kur kam qenë sëmurë. Vajza po bëhet 2 vite, nuk e dimë me kë e ka fëmijën. E kanë cuar në jetimore në Vlorë, nuk e mban dot vajza. Vetë jam sëmurë, gruan e kam sëmurë dhe vajzën e kam sëmurë.