Ish-kampion i boksit për peshat e rënda dhe vëllai i kryebashkiakut të Kievit, Vitaliy Klitschko, Wladimir Klitschko në një video të publikuar në Twitter ka theksuar se masakrimi i civilëve ukrainas nga ana e trupave ruse është gjenocid i pastër. Në video tregohen trupat e civilëve ukrainas të vrarë në qytetin e Bucha.
“Kjo është pikërisht ajo që po bën regjimi rus, regjimi i Putinit, ushtria ruse. Vrasja e civilëve me duar të lidhura pas shpine dhe me një të shtënë në kokë”, shprehet ai, teksa shkruan krahas videos: Ky është gjenocid.