Vrasja e ndodhur dje tek vendi i njohur si mbikalimi i Rinasit në aksin Tiranë-Durrës mbulohet më shumë me mister. Policia ende nuk ka asnjë pistë të qartë se çfarë mund të ketë çuar tek vrasja e 37-vjeçarit Iljaz Çali dhe cilët mund të jenë ekzekutorët e tij. Gjatë kqyrjes së vendngjarjes nuk është gjetur asnjë gëzhojë, çka do të thotë se personat që kanë kryer krimin janë kujdesur që të mos lënë prova.
Po ashtu, edhe në makinën e viktimës nuk është gjetur ndonjë armë apo sende të tjera të paligjshme.
Ndërkohë, hetimet rreth këtij atentatu janë duke u ndjekur nga Drejtoria e Policisë së Tiranës. Viktima Iljaz Çali rezulton të ketë qenë mik i Gjin Nikës , i cili ka qënë administrator i një kompanie kromi dhe është vrarë në vitin 2014