Disa ditë më parë u vu në pranga vrasësi i dy vëllezërve vlonjatë, Beqir dhe Elmaz Hashon, i cili kishte 24 vjet që qëndronte në arrati. Ngjarja e rëndë e vrasjes së tyre ndodhi në vitin 1998. Mësohet se autori i kësaj vepre kriminale është Gerti Selimaj, i cili u vu në pranga nga autoritetet italiane për llogari të drejtësisë shqiptare, por që shumë shpejt u la sërish i lirë.
Autori 47-vjeçar shqiptar u prangos nga policia italiane teksa ndodhej në një apartament në zonën e Martina Franca, në Itali.
Ekzekutimi i dy vëllezërve Elmaz dhe Behar në vitin 1998, ishte një prej ngjarjeve më të rënda dhe të tmerrshme që ndodhi në qytetin e Vlorës. Kjo për faktin se u ekzekutuan dy persona nga e njëjta familje. Pas një karvani të gjatë përgjatë këtyre viteve familja Hasho, vazhdimisht kërkonte zbardhjen e ngjarjes. Pak kohë më parë, si autor i kësaj ngjarje u arrestuar në Italia, 47-vjeçari Gerti Selimaj. Edhe pse arrestimi dhe ekstradimi u bë me bujë të madhe, (Selimaj u ekstradua më 26 mars të këtij viti) gjykata vendosi masën ‘arrest shtëpie’. Ky vendim ka shkaktuar indinjatë te familjarët.
Mimoza Hasho, bashkëshortja e një prej viktimave, është rikthyer pas në kohë dhe tregon ngjarjen e rëndë në një intervistë për “News24”. Ajo apeloi që 47-vjeçari të kthehet përsëri në burg dhe të zbardhet totalisht kjo ngjarje, ndërsa e cilëson një vrasje për herë të dytë që i bëhet burrit të saj dhe vëllait të tij. Edhe Xhuliano Haxho, djali i një prej viktimave kërkon drejtësi. Ai kërkon që shteti të vendosi vetëm drejtësi që situata mos të shkoj në vetëgjyqësi.