Sipas asaj që raporton “CNN”, qeveria japoneze ka vendosur të akordojë një fond prej 100 milionë dollarësh shtesë si ndihmë humanitare për Ukrainën dhe vendet fqinje. Pas këtij veprimi, shuma totale e ndihmës humanitare e ofruar nga Japonia për Ukrainën ka shkuar në 200 milionë dollarë që nga miratimi i paketës së parë më 11 mars.
“Qeveria e Japonisë do të vazhdojë të ofrojë mbështetje dhe të qëndrojë pranë popullit të Ukrainës që po përballet me vështirësi, në bashkëpunim me komunitetin ndërkombëtar, përfshirë anëtarët e G7-ës”, bëhet me dije në deklaratë.
Po ashtu, disa nga nëntë organizatat ndërkombëtare por edhe japoneze të cilat kanë kontribuar në dhënie fondesh përfshijnë Komisionerin e Lartë të OKB-së për Refugjatët (UNHCR) dhe Komitetin Ndërkombëtar të Kryqit të Kuq (ICRC), njofton ministria.