Një tjetër aksident në vendin e punës ka ndodhur këtë herë në Dhërmi, ku një 60 vjeçar është plagosur rëndë dhe është dërguar me urgjencë në spital.
Sipas burimeve policore, ngjarja në fjalë ka ndodhur mesditën e sotme në fshatin Palasë, Dhërmi, ku një mjet tip betoniere, me drejtues shtetasin Th. P., rreth 60 vjeç, banues në Lushnjë, duke punuar në një kantier është rrëzuar dhe për pasojë ka marrë dëmtime të rënda drejtuesi i mjetit.
Menjëherë pas ngjarjes, 6–vjeçari është dërguar në urgjencën e spitalit të Vlorës dhe mësohet se ndodhet në gjendje kritike për jetën.
Policia njofton:
“Më datë 05.04.2022, rreth orës 12:15, në fshatin Palasë, Dhërmi, mjeti tip betoniere, me drejtues shtetasin Th. P., rreth 60 vjeç, banues në Lushnjë, duke punuar në një kantier është rrëzuar dhe si pasojë ka marrë dëmtime të rënda drejtuesi i mjetit, i cili po transportohet për ndihmë mjekësore në Spitalin Rajonal Vlorë.”