Një aksident i rëndë ka ndodhur mbrëmjen e sotme në aksin rrugor Korçë-Bilisht pranë kryqëzimit të fshatit Plasë, Maliq, ku janë përplasur dy automjete.
Si pasojë e aksidentit janë plagosur pesë persona të cilët janë në gjendje të rëndë.
Njoftimi i policisë
Maliq – Më datë 05.04.2022, rreth orës 19:45, jemi njoftuar se në aksin rrugor Korçë-Bilisht, pranë kryqëzimit të fshatit Plasë, Maliq, janë përfshirë në një aksident mjeti tip “Toyota” me drejtues shtetasin B. C., me mjetin tip “Renault”.
Për pasojë janë dëmtuar drejtuesi i mjetit tip “Renault” dhe një pasagjer i tij, si edhe një pasagjere e mjetit tip “Toyota”, të cilët u transportuan në Spitalin e Korçës dhe ndodhen nën kujdesin e mjekëve.
Grupi hetimor ndodhet në vendngjarje dhe po punon për përcaktimin e shkakut të aksidentit.