Mbrëmjen e djeshme, rreth orës 23:05, një elektriçist 61-vjeçar ka rënë në kontakt me rrymën elektrike teksa ishte duke rregulluar linjën e tensionit të mesëm në fshatin Midhë në Burrel. Shtetasi me inicialet S. Gj., 61 vjeç, banues në Komsi, Mat është dërguar menjëherë në spital ku ndodhet jashtë rrezikut për jetën.
Njoftimi i policisë:
Mat
Më datë 07.04.2022, rreth orës 23:05 në urgjencën e spitalit Burrel, është dërguar për ndihmë mjekësore shtetasi S. Gj., 61 vjeç, banues në Komsi Bashkia Mat ( elektriçist) i cili duke rregulluar linjën e tensionit të mesëm në fshatim Midhë, dyshohet se nga shkarkimi atmosferik të ketë rënë në kontakt me energjinë elektrike. Shtetasi S. Gj., është dërguar për ndihmë më të specializuar mjekësore drejt Tiranës dhe ndodhet jashtë rrezikut për jetën .
Grupi hetimor vijon punën për zbardhjen e rrethanave të kësaj ngjarjeje.