Një 32-vjeçar ka humbur jetën në punë pasi ka rënë nga një urë mjaft e lartë. Alfred Frroku ishte punëtor i kompanisë që po punon për dublimin e urave në rrugën e Kombit.
Sipas informacioneve paraprake, ngjarja e rëndë ka ndodhur rreth orës 11.30 në vendin e quajtur ura e Përbregut, vetëm 6 kilometra nga Kukësi. Policia ka mbërritur në vendngjarje e po punon për zbardhjen e saj.
INFORMACIONI PARAPRAK I POLICISE
Kukës.
Informacion paraprak.
Më datë 20.03.2019, në aksin rrugor Kukës-Morinë, shtetasi A.F., 32 vjeç, banues në Lezhë, punëtor i firmës kontraktuese për rregullimin e Urës në vendin e quajtur ish Uzina e bakrit, duke punuar ka rënë nga ura, ku për pasojë ka gjetur vdekjen e menjëhershme.
Grupi hetimorë ndodhet në vendin e ngjarjes, ku po punojnë për dokumentimin e plotë të ngjarjes.