Policia e Fierit ka arrestuar një 36-vjeçare e cila ishte shpallur në kërkim për mashtrim dhe fshehje të ardhurash.
Falë finalizimit me sukses të operacionit policor të koduar “Faqet Online”, i zhvilluar 3 ditë më parë nga Policia e Tiranës është bërë i mundur arrestimi i shtetases me inicialet M. G., 36 vjeçe.
Për këtë shtetase, Gjykata e Rrethit Gjyqësor Tiranë ka caktuar masën e sigurisë “Arrest në burg”, për veprat penale “Kontrabanda me mallra të tjera”, “Fshehja e të ardhurave” dhe “Mospagimi i taksave dhe tatimeve”.
Njoftimi i plotë i policisë:
“Kapet një shtetase e shpallur në kërkim në kuadër të operacionit “Faqet Online”.
Nga specialistët për Hetimin e Krimeve në Komisariatin e Policisë Fier, në bashkëpunim me strukturat e DVP Tiranë, u bë kapja dhe ndalimi i shtetases M. G., 36 vjeçe, banuese në Fier, e shpallur në kërkim në kuadër të operacionit “Faqet Online”, i zhvilluar 3 ditë më parë nga Policia e Tiranës.
Për këtë shtetase, Gjykata e Rrethit Gjyqësor Tiranë ka caktuar masën e sigurisë “Arrest në burg”, për veprat penale “Kontrabanda me mallra të tjera”, “Fshehja e të ardhurave” dhe “Mospagimi i taksave dhe tatimeve.”