Një aksident automobilistik ka ndodhur para pak minutash në Tiranë.
Sipas policisë, ngjarja ka ndodhur në rrugën “Aleksandër Moisiu”, ku 21-vjeçarja A. M., duke drejtuar mjetin e saj, ka humbur kontrollin duke dalë nga rruga.
Si pasojë e këtij aksidenti, e reja ka marrë disa dëmtime dhe u dërgua në spital ku po merr ndihmën mjekësore.
Raportohet se ajo ndodhet jashtë rrezikut për jetën.
Tiranë – Informacion paraprak
Më datë 16.04.2022, në rrugën “Aleksandër Moisiu”, shtetasja A. M., 21 vjeçe, duke drejtuar mjetin e saj, dyshohet se ka humbur kontrollin mbi drejtimin e mjetit dhe ka dalë nga rruga.
Si pasojë është dëmtuar dhe ndodhet në spital, nën kujdesin e mjekëve, jashtë rrezikut për jetën.
Grupi hetimor ndodhet në vendngjarje dhe po punon për sqarimin e rrethanave të aksidentit.