Vijon operacioni policor i koduar “Fati i lojërave”, ku një 27-vjeçar nga Berati është proceduar penalisht, pasi kishte marrë me qira ambientin në të cilin organizonte lojëra fati, si dhe 11 shtetas të tjerë, pjesëmarrës në lojë.
Gjatë kontrollit të ushtruar në ambientet e magazinës të cilën shtetasi A. Gj. e kishte marrë me qira, Shërbimet e Policisë kanë gjetur dhe sekuestruar në cilësinë e provës materiale një tavolinë pokeri, çipsa dhe letra bixhozi.
Materialet i kaluan Prokurorisë pranë Gjykatës së Rrethit Gjyqësor Berat, për veprime të mëtejshme.