Në një postim në Twitter, presidenti ukrainas tha se ata diskutuan perspektivat e pranimit të Ukrainës në BE, si edhe për agresionin në rritje të Rusisë në Donbas .
“Ne diskutuam rritjen e ndihmës për sigurinë, si dhe ndihmën e BE-së për rindërtimin e Ukrainës”, tha Zelensky në Twitter.
Më herët, presidentja e KE Ursula von der Leyen foli për sanksione më të ashpra kundër Rusisë dhe rritje të ndihmës për Ukrainën në telefonatën me Joe Biden.
“Udhëheqësit botërorë mbështesin fuqishëm Ukrainën. Ne do të forcojmë më tej sanksionet tona kundër Rusisë dhe do të shtojmë ndihmën financiare dhe të sigurisë për Ukrainën. Faleminderit President i Shteteve të Bashkuara për mbledhjen e këtij komunikimi të rëndësishëm. Ne jemi në anën e Ukrainës”, tha Ursula von der Leyen në një postim në Twitter.