Mbrëmjen e kaluar, në fashtin Katund i ri, në orën 22:20 ka ndodhur një shpërthim, si pasojë e një sasie eksplozivi të vendosur në derën e dyqanit të efektivit të Policisë Hysen Gashi, 54 vjeç.
Fatmirësisht nuk ka pasur asnjë person të pranishëm në objekt kur ka ndodhur shpërthimi. Lënda plasëse është hedhur në derën e jashtme ku ndodhet qepeni, raporton BW. Dyqani tregtonte ushqim për kafshët. “Shpërthimi është dëgjuar në gjithë fshatin Katund i Ri dhe më tej.
Nga kamerat e sigurisë është zbuluar se ka qenë një automjet që ka kaluar me shpejtësi dhe ka hedhur eksplozivin, me sa duket në shenjë paralajmërimi. Gashi aktualisht punon me forcat shqiponja dhe ka deklaruar se nuk ka konflikte me askënd, dhe se dyshon për shkak të detyrës.