Roula Pispirigou, nëna greke që akuzohet se ka vrarë tre vajzat e saj të mitura, mbetet në paraburgim në burgun e Korydallos. Prokuroria ka prova se ajo vrau vajzën 9-vjeçare Georgina, ndërsa hetimet për vdekjen e Irisit dhe Malenës vazhdojnë.
Sot 33-vjeçarja do të ketë një vizitë të jashtëzakonshme në burgun e Korydalos. Atje do ta vizitojnë nëna, motra dhe babai i saj. Sipas informacioneve të pelop.gr, e vetmja gjë që Roula Pispirigou i kërkoi familjes për ta çuar në burg janë fotot e tre fëmijëve të saj, Georgina, Malena dhe Iris.
Sipas të njëjtave informacione, ajo mësohet se është në gjendje të rëndë psikologjike, duke qenë se ditën e hënë, Georgina 9-vjeçare do të festonte ditëlindjen.
Roula akuzohet se vrau vajzën e saj 9-vjeçare duke i injektuar ketaminë, e cila e çoi drejt vdekjes.
Zbardhja e vdekjeve të vajzave është duke u bërë edhe duke parë historikun e kërkimeve të nënës së tyre në google pas rezulton se ajo është futur nëpër faqet mjekësore për të kërkuar ilaçe me qëllim kryerjen e krimit.