Reforma në drejtësi nuk do të dështojë ka thënë e ngarkuara me punë e SHBA-së në Shqipëri, Leyla Moses-One gjatë aktivitetit për 10-vjetorin e anëtarësimit të Shqipërisë në NATO.
“Shqipëria të bëjë progres në reformat e saj. Janë shumë të rëndësishme për Shqipërinë, sundimi i ligjit, lufta kundër terrorizmit dhe krimit të organizuar. Lajm i mirë është se po ecën në rrugën e duhur. Reforma në drejtësi është në rrugë e sipër, do t’i falë Shqipërisë një drejtësi transparente”, tha ajo.
Moses- One u shpreh se Rusia është një nga kërcënimet për vendet e NATO-s, por jo e vetmja. SHBA-të vijoi ajo, janë të angazhuara të mbrojnë vlerat e aleancës.