Korporata tenologjike “Microsoft”, në një raport të nxjerrë ditën e sotme tha se hakerat e qeverisë ruse kanë kryer 37 sulme kiberenetike brenda Ukrainës.
Keto sulmet mendohet se janë kryer ndërmjet 23 shkurtit dhe 8 prillit. “Hakerët e qeverisë ruse kryen gjithsej 37 sulme destruktive kibernetike brenda Ukrainës midis 23 shkurtit dhe 8 prillit”, tha Microsoft.
Ndërhyrjet e raportuara, disa prej të cilave nuk janë zbuluar më përpara thonë se hakerimi ka luajtur një rol shumë më të madh në konflikt në krahasim me atë që dihej publikisht.
Microsoft tha gjithashtu në raport se sulmi digjital mund të ketë hedhur gjithashtu bazat për misione të ndryshme ushtarake në territorin e shkatërruar nga lufta.