Ministrja e Shëndetësisë, Ogerta Manastirliu njoftoji sot se Këshilli i Ministrave ka kaluar një projektligj për autonominë spitalore. Ai do të kalojë paraprakisht në Komision dhe synon që t’i japë një pavarësi sistemit shëndetësor në vend.
Sipas Manastirliut, kjo bëhet për rritjen e cilësisë së shërbimeve, duke e konsideruar si një pikë kthese për shëndetësinë. Ministrja shtoi se do ngrihet edhe një Komitet Ekspertësh për një planifikim spitalor Kombëtar.
“Projektligj që do kalojë në Komisionet Parlamentare. Do sjellë një model të autonomisë spitalore. Vjen në këtë sistem të ri që plotësohet me këtë kuadër ligjor. Vjen nëpërmjet kartës së performancë. Karta e autonomisë do të ketë disa nivele të përshkallëzuar se i hap rrugë autonomisë organizative dhe financiare. Qëllimi është përmirësimi i cilësisë së shërbimeve. Si dhe administrim i burimeve financiare. Do angazhohen fondet e kujdesit dhe të gjithë strukturat e spitaleve. Do kemi planifikim spitalor Kombëtar me Eksperte me Komitet Ekspertësh. Do kemi spitale ditore, bashkiak dhe qendrat rajonale. Do kemi spitale për shërbime të dedifikuara edhe në bazë rajoni.”
“Është një pikë kthese. Do fillojë brenda këtij viti me miratimin e këtij ligji. Do na ndihmojnë në kosto të Kujdesit Spitalor dhe shtrirjes së modelit spitalor. Futemi në një fazë të re të sistemit spitalor.” deklaroi Manastirliu.