Zyra presidenciale për media ka lajmëruar se Presidenti turk Rexhep Tajip Erdogan ka telefonuar ditën e sotme Sekretarin e Përgjithshëm të Kombeve të Bashkuara Antonio Guterres, ku ata diskutuan zhvillimet në luftën në Ukrainë. Guterres e informoi Erdoganin për takimet e tij këtë javë në Moskë dhe Kiev.
Gjatë telefonatës, Erdogan tha se Turqia është e gatshme të mbështesë punën e udhëhequr nga OKB si për evakuimet ashtu edhe për ndihmën humanitare. Duke thënë se ata do të vazhdojnë të inkurajojnë si Ukrainën ashtu edhe Rusinë që të veprojnë në sens të përbashkët për pajtim, Erdogan tha se do të ndjekin paqen, thuhet në deklaratë.
Guterres tha përmes Twitter të premten se OKB-ja do të dyfishojë përpjekjet e saj për të shpëtuar jetë dhe për të zvogëluar vuajtjet njerëzore në Ukrainë.