Presidenti i Rusisë Vladimir Putin do t’i nënshtrohet një operacioni për kancer dhe do t’ia dorëzojë pushtetin shefit të tij të spiunazhit të linjës së ashpër, thuhet se ka pohuar një burim i brendshëm i Kremlinit.
Sipas The Sun, shëndeti i tiranit rus ka qenë burim i spekulimeve të konsiderueshme mes raporteve se ai po lufton si me kancerin në bark ashtu edhe me sëmundjen e Parkinsonit. Por tani është raportuar se 69-vjeçari Putin mund të ‘zhduket’ nga jeta publike së shpejti dhe do t’i kalojë pushtetin Nikolai Patrushev.
Patrushev, 70 vjeç, shihet si arkitekti kryesor i strategjisë së luftës në Ukrainë dhe njeriu që e bindi Putinin se Kievi ishte i mbushur me neo-nazistë.
Pretendimi u raportua në median ruse General SVR, e cila ngriti për herë të parë çështjet e shëndetit të Putinit rreth 18 muaj më parë. Ata citojnë një ish-ushtarak anonim të rangut të lartë të Kremlinit të ketë thënë: “Putini ka diskutuar se do t’i nënshtrohet proçedurave mjekësore“.
Në videon në të cilën burimi, zëri i të cilit duket të jetë maskuar, tregon se mjekët këmbëngulin se ai ka nevojë për një operacion, por data nuk është përcaktuar ende.
Burimi tha se zgjedhja e Patrushev, e cila erdhi pas dy orësh pas një bisede të afërt me Putinin, ishte “opsioni më i keq”. Ai vazhdoi të spekulojë se problemet shëndetësore të Putinit mund të përkeqësohen.
Është e paqartë se kur saktësisht Putini do të shkojë në spital, por nuk ka gjasa të ndodhë përpara 9 majit, kur ai kryeson përkujtimin madhështor të Ditës së Fitores së Kuqe të humbjes së Hitlerit.