Ministria e Shëndetësisë ka publikuar sot bilancin e 24 orëve të fundit në Shqipëri, ku janë regjistruar 60 infektime të reja ndërsa 41 persona janë shëruar. Ndërkohë, për fat të mirë nuk ka patur humbje jete.
Njoftimi i Ministrisësë Shëndetësisë:
Ministria e Shëndetësisë i bën apel qytetarëve të vaksinohen sa më parë, për të mbrojtur veten dhe shëndetin e të tjerëve. Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet.
Çdo qytetar mbi 12 vjeç, mund të vaksinohet në qendrat shëndetësore.
MSHMS apelon të gjithë qytetarët e vaksinuar me dy doza, të drejtohen në qendrat shëndetësore ose pikat e vaksinimit të përqëndruar, për t’u vaksinuar me dozën e tretë përforcuese.
Qytetarët mbi 60 vjeç dhe ata me imunitet të dobët, që kanë kaluar 4-6 muaj nga kryerja e dozës së tretë, mund të marrin dozën e katërt të vaksinës anticovid, sipas rekomandimit të mjekut të familjes.
Nëse dyshoni se jeni të prekur nga COVID19 apo keni shenja të sëmundjes, izolohuni menjëherë dhe kontaktoni me mjekun tuaj të familjes për t’u testuar sa më parë ose telefononi Urgjencën Kombëtare në numrin unik 127.
Ju informojmë për situatën në 24 orët e fundit, si vijon: Janë kryer 859 testime, nga të cilat kanë rezultuar pozitivë me COVID19, 60 qytetarë, në këto bashki:
32 në Tiranë, 13 në Fier, 3 në Shkodër, 2 në Vlorë, Himarë, Korçë, 1 në Durrës, Lushnje, Divjakë, Mallakastër, Sarandë, Gjirokastër.
Janë 417 pacientë aktivë me COVID-19 në të gjithë vendin.
Aktualisht në spitalin COVID3 po marrin trajtim 5 pacientë. Në 24 orët e fundit nuk ka asnjë humbje jete me Sars-Cov2.
Janë shëruar 41 qytetarë gjatë 24 orëve të fundit, duke e çuar numrin e të shëruarve në 271,254 që nga fillimi i epidemisë.
Statistika (01 Maj 2022)
Raste të reja ditore 60
Të shëruar në 24 orë 41
Të shtruar në spitale 5
Humbje jete në 24 orë 0
Testime ditore 859
Testime totale 1,807,273
Raste pozitive 275,167
Raste të shëruara 271,254
Raste Aktive 417
Humbje jete 3,496
Shpërndarja gjeografike e rasteve aktive sipas qarqeve:
Tiranë 255
Fier 52
Vlorë 42
Shkodër 13
Elbasan 11
Korçë 11
Gjirokastër 11
Durrës 9
Berat 6
Kukës 4
Lezhë 3