Pedofili lezhjan i cili u demaskua nga emisioni investigativ “Piranjat” u arrestua nga Policia e Lezhës. Ai shfaqet në një video teksa tenton të kryejë marrëdhënie seksuale me një vajzë të mitur.
Videoja ishte një inskenim i emisionit që kishte infiltruar një gazetare si një të mitur dhe zbuluan aktet e turpshme të burrit. Pedofili në fjalë ishte nga Shënkolli i Lezhës dhe tashmë po hetohet nëse ka pasur raste të tjera të abuzimeve të tij. Ai gjithashtu ka kërkuar sistematikisht ndihmë ekonomike dhe thuhet se ai e ka përfituar atë.
Uniformat blu po kryejnë hetime të plota dhe të imtësishme edhe pse nuk ka pasur asnjë denoncim të bërë ndaj personit në fjalë. Gjithashtu, policia i bën thirrje qytetarëve që të denoncojnë çdo rast të mundshëm të këtyre akteve.