Detaje të reja kanë dalë në dritë nga vetëvarja e 31-vjeçarit Ilvi Meta në dhomën e paraburgimit në Komisariatin e Kavajës. Familjarët janë njoftuar se trupi i pajetë i të riut do të dërgohej në banesë në orën 00:30, pas autopsisë së mjekësisë ligjore, raproton BW. Por mësohet, se trupi i 31-vjeçarit Meta është dërguar rreth orës 04:00 të mëngjesit.
Ekspertët e mjekësisë ligjore në Durrës nuk kanë pranuar të firmosin raportin e autopsisë dhe kanë mbërritur në Durrës, ekspertë të mjekësisë ligjore nga Tirana.
Kanë qenë këta të fundit që kanë firmosur autopsinë e 31-vjeçarit. Sakaq, kujtojmë se Ilvi Meta u arrestua gjatë pasdites së djeshme në Kavajë, pasi dyshohej se kishte vjedhur një banesë.