Analisti Blendi Kajsiu në një lidhje live për “Top Talk” dha mendimin e tij se si do të vijojë politika me zgjedhjen e Sali Berishës, kryetar të Partisë Demokratike.
Kajsiu tha se zgjedhja e Berishës si kryetarë i PD-së do të jetë diçka pozitive vetëm për të, por jo për opozitën dhe demokracinë shqiptare.
“Me një opozitë që ka në krye zotin Berisha rrotacioni politik bëhet shumë i vështirë për mos të thënë i pamundur dhe çfarëdo skandali i qeverisjes Rama përballë skandalit të një qeverie Berishiste sfumohet. Mjafton të shohim çfarë ndodhi me aferën e inceneratorëve”, tha analisti.
Sipas tij pika e dobët e qeverisë Rama është qetësia dhe racionaltiteti, të cilat tregojnë arsyetim, por ata që e mbajnë gjallë këtë qeverisje janë dallgët e gjullurdisëse opozitare.
Analisti foli edhe për ngjarjen e Gërdecit, duke e konsideruar një situatë ku korrupsioni i zotit Berisha ka qenë atomik si pak korrupsione në botë. Sipas Kajsiut, ata flasin për korrupsionin por nuk tregojnë se çfarë do të bëjnë ndryshe.
“Ti i tregon elektoratit atë që ata e dinë këtu ka korrupsion, por t’i nuk ofron atyre një alternativë se çfarë do bësh t’i zotëri me incineration, se ti po i thua ky vjedh. Po ti pse nuk vjedh, se ti ke vjedhur me Gërdecin apo jo. Dhe kur vëmë Berishën në këtë skenë këtu humb komplet alternativa qeverisëse. Gjullurdia Berishës është e domosdoshme për të eliminuar këtë fat që ai nuk ofron alternativë qeverisëse”, shtoi më tej ai.