Këngëtari Robert Aliaj ka reaguar po ashtu ashpër ndaj performancës së Ronela Hajatit në “Eurovision”.
Përmes një postimi në Facebook, Aliaj thotë se ka ardhur koha t’i jepet fund metodave korruptive alla shqiptarçe në festivalin kombëtar dhe të mos lejohen më performanca të tilla përfaqësuese, të cilën e cilëson vulgare.
Postimi i plotë:
Fikni televizorin kur të transmetohet kjo performancë mu…ti”, acarohet këngëtarja shqiptare.
Ky nuk është komenti im, është koment i një reviste frankofone dhe nuk është i vetmi.
Koha që RTSH të marrë përgjegjësitë e veta dhe ti japë fund metodave korruprive alla shqiptarçe në lidhje me përfaqësimin tonë në Eurovizion. Sot në një tjetër radio prestigjoze flamandofone spikeri duke komentuar Eurovizionin, u shpreh që nuk do të dëshironte që performancën shqiptare ta shikonin fëmijët e tij duke e komentuar atë si një përfaqësim të pa përshtatshëm dhe vulgar.
Stop me qokat dhe nivelin skandaloz të festivalit të këngës shqiptare, ngjarjes më të madhe muzikore të vendit. Koha për ndryshim.
Une dua të besoj që duke filluar nga edicioni i këtij viti, festivali i këngës në radio-televizion ti nënshtrohet një reformimi të thellë, gjithpërfshirës dhe të sinqertë.
