Gjatë seancës së sotme plenare në Kuvend u diskutua edhe raporti vjetor i Autoritetit të Konkurrencës, ku lidhur me të foli edhe deputeti socialist, Erion Braçe.
Brace u shpreh se ekzistenca e Bordeve tregon mungesën e Konkurrencës dhe abuzimet që bëhen në treg.
“Duhet ti ndajmë gjërat çfarë është e qeverisë është e qeverisë dhe çfarë është e Autoritetit të Konkurrencës është e autoritetit të konkurrencës. Është e vërtetë ajo që thotë ministrja se ka ngadalësim të normës së rritjes së inflacionit.
I gjithë ushtrimi i Bordit ka njohur edhe përqendrimin edhe abuzimin. Për vitin në cilin ndodhemi dua të them se në krahasim me janar-marsin 2021 në krahasim me janar –marsin 2022 janë ulur me 75%. Ku është efekti i luftës këtu. Tregje kryesore tek ne janë këneta, tregu i naftës në kohën tuaj kishte pesë operatorë dhe sot ka katër, njëri iku endet nëpër botë. Tregjet e tjera janë po në të njëjtën kategori, ne nuk ia dolëm të hiqnim barrierat e vendosura nga qeverisja e PD dhe tjetra duhet luftuar abuzimi dhe duhet ndarë mendja ose me tregtarët ose me fshatarët”, deklaroi Braçe.