Në një prononcim për mediat në ambientet e jashtme të Kuvendit, Kreu i Partisë Republikane, Fatmir Mediu u shpreh se opozita duhet të ketë një kandidat. Sipas Mediut, ky duhet të jetë konsensusi i parë brenda opozitës.
Më tej, Mediu shtoi se nëse opozita nuk gjen një gjuhë të përbashkët, nuk mund të presë nga mazhoranca për një President konsensual. Kryerepublikani deklaroi se ka diskutuar me grupin negociator të Rithemelimit, Oerd Bylykbashin dhe Luciano Boçin si dhe me Alibeajn.
“Kandidatura që i plotëson të gjitha kërkesat. Kemi diskutuar me Bylykbashin, Boçin dhe Alibeajn. Përgjegjësia që kemi është që mundësia ekziston. Ky konsensus duhet por nëse nuk e kemi në opozitë është e kotë. Ne jemi tek qëndrimi i Aleancës për Ndryshim. Por të paktën të kemi një figurë të përbashkët”, u shpreh Mediu.