Pak javë pasi miliarderi Elon Musk pranoi të merrte në pronësi kompaninë private “Twitter” për shifrën e 44 miliardë dollarëve, ai ka deklaruar së fundmi se po e vendos në pritje ofertën e tij për të blerë rrjetin e njohur social.
Musk ka njoftuar se ka pezulluar përkohësisht marrëveshjen për të blerë Twitter-in.
“Marrëveshja për Twitterin është përkohësisht në pritje për të marrë detaje që mbështesin llogaritjen se llogaritë e padëshiruara ose të rreme përfaqësojnë me të vërtetë më pak se 5% të përdoruesve”, shkroi Musk në një postim në rrjetin social.
Ky lajm ka bërë që aksionet e Twitter të bien më shumë se 20% para hapjes së tregut të stokut.