Një tjetër anije ruse është fundosur pranë ishullit Zmiinyi (Gjarpër) nga raketat ukrainase.
Shefi i inteligjencës së Ukrainës, Kirill Budanov, thotë se trupat e vendit do të luftojnë për ishullin “për aq kohë sa të jetë e nevojshme”, duke shtuar se ata do ta rimarrin atë nga rusët.
Ishulli i gjarpërinjve është një zonë strategjike e rëndësishme si për Ukrainën ashtu edhe për Rusinë, pasi lejon hyrjen në Detin e Zi për rrugë të hapura tregtare, importimin e armëve dhe për sa i përket aftësisë së Rusisë për të kryer një ulje taktike detare.
“Kushdo që kontrollon ishullin mund të bllokojë lëvizjen e anijeve civile në të gjitha drejtimet në jug të Ukrainës në çdo kohë,” tha Budanov.