Socialistët në të gjithë vendin kanë nisur fushatën për zgjedhjen e 61 kryetarëve të PS-së në bashkitë e vendit.
Drejtuesit politik të 12 qarqeve, deputetët, kryetarët e bashkive, antarët e Asamblesë Kombëtare dhe kryetarët aktual të PS-së të 61 Asambleve Socialiste kanë marrë porositë e fundit dy-tri ditët e fundit për zhvillimin e fushatës.
Është kërkuar të zhvillohen takime në të çdo Këshill Socialist të Njësive Administrative dhe të merren propozime nga baza. Po ashtu kanë të drejtë të vetpropozohen antarë të PS-së, me stash mbi 3 vjet në këtë subjekt politik. Propozimet duhet të mbyllen brenda datës 25 Maj 2022.
Mësohet se grupi i punës që është ngritur në Asamblenë Kombëtare do të shqyrtojë të gjithë kandidatët dhe më të mirët do t’ja propozojë Asambleve Socialiste në bashki. Në bazë kandidatët në garë do të shpalosin platformën e tyre për drejtimin e Asamblesë. Pastaj AS e zgjeruar do të votojë kandidatët që Kryesia e PSSH-së ka miratuar.